Bezeroa ardatz hartuta; espazioa, argia, material eta elementuen arteko oreka bilatuz, kalitatezko proiektu bat sortzeko ezinbestekoa da hasieratik detailerik txikienei arreta jartzea.

Ikuspuntu profesional batek, uste baino ohikoagoak diren akatsak sahiesten lagunduko digu, ustekabeko gastuak murriztuz eta berrikuntza lanak aurrera eramateko moduak erraztuz.

Badakigu eraberritze prozesu bat planteatzen dugunean nahi ala ez kostua erabakigarria izango dela.

Hasieratik, aurrekontuen egiturak, kontzeptuak eta partida guztiak behar bezala azalduko dizkizugu, erabakiak hartzeko garaian zenbakiak argi izan ditzazun.

Sukaldea, bainuak, igeltseritza, elektrizitatea, iturgintza, berokuntza, leihoak, arotzeria, pintura lanak, altzariak... lan bakoitzaren kostua zehatz zein izango den jakingo duzu, eraberritze lanen prozesua zure aukeren arabera egokitu dezazun.

Barne diseinuko proiektua eta aurrekontua ongi zehaztu ondoren eraberritze prozesuarekin hasiko gara.

Orain arte paper gainean zeuden lan guztien plangintza egin eta kudeatzeko garaia iritsi da; eraisketa lanak, igeltsaritza, iturgintza eta elektrizitate instalazioak, arotzeria, leihoak, pintura lanak… lotura guztiak martxan jarriko ditugu eta lan talde guztia zuzendu ez ezik materialen aukeraketak eta eskaerak garaiz egiteaz arduratuko gara lan guztiak denboraren barnean gauzatzeko.

Ongi dakigu eraberritze prozesua oso konplexua dela eta bertan komunikazioa eta konfidantza ezinbestekoak direla.

Urteetako eskarmentua daukagu eta profesionaltasunez erantzuten dugu uneoro, prozesu osoan zehar zure beharretara egokituz.

Dekorazio prozesua hasteko garaian espazioak definituta egongo dira; aurrez ingurua eraberritu direlako, etxebizitza berri bat jantzi nahi dugulako edota etxeko espazio konkretu bat aldatzeko garaia dela pentsatu dugulako.

Etxea janzteko, espazio bakoitzari dagokion garrantzia eman behar zaio eta horretarako argiak bertan duen eragina, altzarien kokapena, ehunak, koloreak, etab… aztertuko dira. Proiektuaren xedea, ingurua, gustuko duzun estiloaren arabera girotzea izango da.

Estilo desberdinak aztertuz, zure gustu eta beharretara egokituko gara, espazioari ahalik eta etekin handiena ateratzearekin batera egunerokotasunera egokitutako inguru atsegin bat lortzeko.

Etxea janzteko garaian ere bertako profesionalekin elkarlanean jardutea atsegin dugu. Tratu pertsonalizatua oinarritzat hartuz, tokiko merkataritzarekin elkarlanean lantzen ditugu proiektuak, prozesu osoan zehar betiko konfidantzaz goza dezazun.